Organizamos unha recollida solidaria!

-
Como xa vos adiantamos noutra publicación, quixemos agradecer a visita da Protectora de Animais Os Biosbardos, da nosa localidade, organizando unha recollida solidaria. 

 Para levala a cabo, pedímoslle colaboración a todo o cole, xa que pensamos que entre tod@s sería posible axudar moito máis!

Para organizar esta recollida solidaria, o primeiro paso foi a creación do cartel. Entre tod@s, eliximos as imaxes que máis nos gustaban e a información que precisabamos poñer. E a verdade... o deseño quedounos ben chulo!


 Unha vez feito o cartel, organizámonos para ir visitar aos nosos compañeir@s aula por aula e contarlles o noso gran propósito. Aínda que estabamos un pouco nervios@s, encantounos pasar ese ratiño percorrendo o cole en busca de doazóns. E o máis importante é que saímos súper content@s porque a tod@s lles encantou a nosa idea e comprometéronse a axudarnos.





Se ti tamén estás interesad@ en axudarnos, podes traer ao cole penso de can ou gato, alimento húmido (latas), salchichas... Tamén serán benvidas pipetas, collares, correas ou produtos de limpeza (sacos de lixo grandes, guantes, lixivia...)
O último día para traelos será o 30 de xaneiro, non te esquezas! Xuntos poderemos axudar a moitos animaliños sen fogar.
Na próxima publicación, faremos balance de todo o recaudado. Moitas grazas por axudarnos!

Comentarios

Publicar un comentario

Publicacións populares deste blog

Decálogo para adoptar un can

-
Imaxe
Os cans son as mascotas máis comúns. A continuación deixámosvos as dez normas máis importantes que hai que cumprir para poder ter un can. 1. Decidide entre toda a familia que queredes adoptar un can ou non. Unha mascota é unha gran responsabilidade para todos. 2. Pedide información no veterinario sobre as vacinas, a alimentación e os coidados que precisa o animal. 3. Preparade un lugar onde poida durmir. Cun coxín ou cunha manta, a vosa mascota estará cómoda e abrigada. 4. Conseguide dous recipientes distintos: un para a auga e o outro para a comida que vos recomende o veterinario. 5. Facédevos cunha correa apropiada ao seu tamaño para sacalo a pasear. 6. Cando vaiades de paseo , non esquezades levar unha bolsiña para poder recoller os seus excrementos e evitar, dese xeito, que manche a rúa ou o parque. 7.Bañádeo cando lle cumpra. Iso axudará ó voso animal a ter boa saúde. 8. Prestádelle atención ao seu estado de ánimo , se o vedes triste ou sen enerxía, le...
Ler máis

As cabras de Breogán

-
O coronavirus impediunos facer a visita que tiñamos prevista á granxa de cabras do noso compañeiro Breogán, de 2ºB. Pero temos que agradecerlle a súa xenerosidade por enviarnos unhas imaxes coas que podemos facernos unha idea da fantástica visita que, se todo vai ben, intentaremos poder facer o próximo curso. Graciñas Breogán e familia!
Ler máis

Grazas, Patrulla Apadriña!

-
Imaxe
E chegamos ao final dun atípico curso. Quedáronnos cousas no tinteiro, pero sen dúbida, non só lembraremos o curso 2019/2020 polo coronavirus, senón tamén por ser o curso no que nos convertemos na Patrulla Apadriña. Xunt@s aprendemos moito sobre as mascotas,   coñecemos ás vosas, comprendimos que a mellor forma de que chegan ás nosas vidas é mediante a adopción en lugar de compra, e mesmo fixemos felices a un montón de peludiños coas aportacións da recollida solidaria que tan ben xestionastes. Estamos moi orgullosas de vós, Patrulla Apadriña. Moitísimas grazas polo voso interese. Misión cumprida!!!  
Ler máis