Grazas, Patrulla Apadriña!

-

E chegamos ao final dun atípico curso.
Quedáronnos cousas no tinteiro, pero sen dúbida, non só lembraremos o curso 2019/2020 polo coronavirus, senón tamén por ser o curso no que nos convertemos na Patrulla Apadriña.

Xunt@s aprendemos moito sobre as mascotas,  
coñecemos ás vosas, comprendimos que a mellor forma de que chegan ás nosas vidas é mediante a adopción en lugar de compra, e mesmo fixemos felices a un montón de peludiños coas aportacións da recollida solidaria que tan ben xestionastes.

Estamos moi orgullosas de vós, Patrulla Apadriña.
Moitísimas grazas polo voso interese.
Misión cumprida!!!

 

Comentarios

Publicar un comentario

Publicacións populares deste blog

Visita ó veterinario!

-
Imaxe
Para coñecer de primeira man os coidados que precisan as nosas mascotas... que mellor que  visitar unha clínica veterinaria ?   Así pois, a semana pasada,os nenos e nenas da Patrulla Apadriña fomos visitar a clínica veterinaria Canis , que está en Ponteareas, moi preto do noso cole.  O veterinario, Isidoro, ensinounos as dúas salas de espera e as dúas consultas que hai.  Sabedes por que hai dúas de cada? Porque unha é para cans e outra para gatos.   Durante o noso tour pola clínica veterinaria puidemos ver o quirófano . Sen dúbida esta foi a parte que máis nos gustou, pois todo nos chamaba a atención e non parabamos de facer preguntas.     Outra cousa que tamén nos gustou moito foi poder ver radiografías de animais. A verdade é que nunca viramos ningunha, e ver a cadeliñas embarazadas foi moi fermoso! Ademais de visitar a clínica veterinaria Canis , Isidoro tamén nos ensinou a tenda de mascotas Animalia , que está ao seu carón. Alí pódense me
Ler máis

O libro das nosas mascotas.

-
Imaxe
Benvid@s un día máis ao Blog da Patrulla Apadriña. Hoxe traémosvos unha entrada moi especial para nós! Queremos presentarvos... AS NOSAS MASCOTAS!!!! Para que poidades coñecelas, fixemos un libro sobre elas, no que ademais de incluir as súas fotos, tamén vos contamos cousiñas sobre elas: como se chaman, que comen, como chegaron ás nosas vidas...  Podedes atopar o libro na biblioteca do cole. Así mesmo, tamén fixemos un vídeo con todas as fotos. Como banda sonora para este vídeo empregamos a canción  " Solo si es contigo " de Bombai e Bebe. Esta canción ten un significado especial, xa que busca concienciar á sociedade sobre a necesidade de adoptar animais , fronte á compra. Xunto á profe Lucía, en Música, estivemos traballando esta canción. Escoitámola, bailámola e reflexionamos sobre o seu profundo significado.  Agardamos que vos guste!
Ler máis

As cabras de Breogán

-
O coronavirus impediunos facer a visita que tiñamos prevista á granxa de cabras do noso compañeiro Breogán, de 2ºB. Pero temos que agradecerlle a súa xenerosidade por enviarnos unhas imaxes coas que podemos facernos unha idea da fantástica visita que, se todo vai ben, intentaremos poder facer o próximo curso. Graciñas Breogán e familia!
Ler máis